គ្រឿងផ្សំៈពងទាប្រៃ គ្រឿងផាក់ឡូវ ប្រេងឆា ស្ករ-ត្នោត សាច់ជ្រូកបីជាន់ ទឹកស៊ុប។*វិធីធ្វើ ស្ងោរពងទាប្រៃឲ្យឆ្អិន បកសម្បកចោល បន្ទាប់មកដាក់កម្តៅខ្ទះឲ្យក្តៅ រួចចាក់ប្រេងឆា ឆាជាមួយគ្រឿងទេសសម្រាប់ធ្វើផាក់ឡូវទាំងអស់ ហើយឆាច្រ បល់ចូលគ្នា។ ក្រោយពេលឆារួចរាល់ហើយ ដួសយកគ្រឿងទេសចេញ។ បន្ទាប់មកទៀត យកស្ករពាងដាក់ចូលខ្ទះរម្ងាស់ តែមិនណែនាំឲ្យប្រើទឹក ស៊ីអ៊ីវខ្មៅទេ ព្រោះថាគ្រឿងផាក់ឡូវ នឹងឡើងខ្មៅខ្លួនវា ដោយសារស្ករត្នោត ខ្លោច រួចចាប់ផ្តើមដាក់សាច់ជ្រូកបីជាន់ឆាជាមួយគ្នា រួចចាក់ទឹកស៊ុបចូល បន្ទាប់ មកដាក់ពងទាប្រៃ ដែលបកសម្បកត្រៀមទុករួចជាស្រេចនោះ ឆាច្របល់ចូល គ្នា។ កំណត់សម្គាល់:ប្រសិនបើចង់បានរសជាតិកាន់តែឆ្ងាញ់ គួររក្សាទុកឲ្យបាន បីថ្ងៃ ដើម្បីឲ្យគ្រឿងជ្រាបរសជាតិបានកាន់តែល្អ៕
