*គ្រឿងផ្សំដូងទុំ ១ ផ្លែ (យកតែសាច់ដូង) ផ្លែម៉ារ៉ុង ៣២០ ក្រាម គ្រាប់ឈូក ៤០ ក្រាម សាច់ជ្រូក (សាច់សុទ្ធ) ៤៨០ ក្រាម ផ្លែពុទ្រា ២ គ្រាប់ និងអំបិលបន្តិចបន្តួច។*វិធីធ្វើ១-ស្រុសសាច់ជ្រូកនឹងទឹកក្តៅ និង ស្រង់ចេញទុកប្រើការ។ ២-ហាន់សាច់ដូងជាបន្ទះធំៗ លាងផ្លែម៉ារ៉ុង គ្រាប់ឈូក និងផ្លែពុទ្រា ឲ្យស្អាតទុកប្រើការ។ ៣-ដាក់ទឹកក្នុងឆ្នាំងស្ងោរ ៩កែវ ដាំឲ្យពុះ រួចហើយចាក់គ្រឿងផ្សំចូលទាំងអស់ (លើកលែងតែអំបិល) ដោយស្ងោររម្ងាស់ ២០នាទី (ប្រើភ្លើងធុនកណ្តាល) បន្ទាប់មកត្រូវប្រើភ្លើងហ៊ឹមៗ ដោយស្ងោររម្ងាស់រយៈពេលប្រហែលជា ២ ម៉ោងកន្លះ ទើបបង់អំបិលចូល និងដួសដាក់ចានគោម យកមកទទួលទាន។
