*គ្រឿងផ្សំ៖-គ្រឿងសមុទ្រ (បង្គា មឹក គ្រំចំពុះទា…) ៥០០ក្រាម, ប៉េងប៉ោះទុំចិញ្ច្រាំ ៤ផ្លែ, ខ្ទឹមក្រហមចិញ្ច្រាំ ៣មើម ទឹកប៉េងប៉ោះ ១ស្លាបព្រាបាយ, អំបិល កន្លះស្លាបព្រាកាហ្វេ, ទឹកស៊ុប ២កែវ, ម្រេចម៉ដ្ឋ ២ស្លាបព្រាកាហ្វេ, ស្រា-ស ៣ស្លាបព្រាបាយ, ជីរនាងវង ៤-៥សន្លឹក, ខ្ទឹមសចិញ្ច្រាំ ២ស្លាបព្រាកាហ្វេ, ដើមភ្លៅកង្កែប ២ធាង, ម្ទេសផ្លោកក្រហមហាន់ ១ផ្លែ។*វិធីធ្វើ៖- បំពងខ្ទឹមស ឱ្យឈ្ងុយ រួចហើយថែមទឹកប៉េងប៉ោះ ប៉េងបោះទុំចិញ្ច្រាំ ខ្ទឹមក្រហមចិញ្ច្រាំ ដើមភ្លៅកង្កែប ហើយឆាច្របល់បញ្ចូលគ្នាឱ្យសព្វ។ បន្ទាប់មក ថែមស្រា-សចូល រំងាស់ឱ្យពុះ សឹមថែមទឹកស៊ុបចូល រំងាស់បន្តឱ្យពុះម្តងទៀត សឹមថែម ជីរនាងវង ចូល ហើយបន្ថយភ្លើង រួចបន្តរំងាស់ទៀត។-ចំពោះបង្គា មឹក និងគ្រំចំពុះទា ត្រូវអាំងឱ្យឆ្អិនជាមុនសិន។ ឯទឹកស៊ុប ដែលរំងាស់នេះ យកតម្រងមកត្រងយកតែទឹក ហើយយកទៅដាក់រំងាស់លើភ្លើងម្តងទៀត មុននឹងថែមគ្រឿងសមុទ្រអាំងចូល រួចបង់អំបិល និងម្រេច ជាការស្រេច៕
